Overblog Suivre ce blog
Editer l'article Administration Créer mon blog
9 janvier 2011 7 09 /01 /janvier /2011 13:23

 

                                                                   

 

Ci sò l’arbetti pà a suppa: finochju, lattaredda, armuraccia…,l’arbetti pà turti è vastelli: nepita, gevi, adda è porra salvatichi... L’arbi pà curà, com’è l’arba sciappa petra, a nocca pà adurmintà un denti carabunatu. L’arbi pà par pascia l’animali, com’è a ghjadducula, i lingui di boiu pà u purceddu, a frasca par i capri…

Ma dinò a spina raza pà uscià u maghjali, a scopa pà i rasti è spazzoli, a murti, u saliciu o u ghjuncu par fà sporti è casgiaghji; a filetta chi ghjova tantu pà tena frischi i frutta è i pesci, pà fà siccà u casgiu, i fica… Guasgi ugni arba o arbureddu ghjova par fà qualcosa o pascia l’animali da a vacca à a ghjaddina tutti t’hani bisognu di l’arba pà campà è fà campà la ghjenti.

 «Annata d’arba »  quandu iddu piovi, « pacà l’arbaticu » à i sgiò cù a robba, i ghjurnati di travaddu o a muneta, « fà pascia l’animali » annantu à i tarri cumunali, era u pinseri di a parti è più di i paisani, pastori cù i bandi o particulari. L’arbi ghjuvaiani à tuttu, l’arba era una richezza ! Avali Diu ni salvi ugni cristianu !À pettu di veda tunda è ritunda i « pelouses », omu passa u so tempu à fà ruzà i mascini è ad aziminà u minimu filu d’arba.

L’arba hè duvintata una calamità !

Ùn si vidi più a diffarenza trà l’arbacci è l’arbi  cussì beddi da manghjà, curà o pascia l’animali. O ghjenti ! quantu trostu ! Quantu  essenza fruzata ! Chì l’arbi sò duvintati arba, arba chi ùn ghjova à nudda fora chè à troscia i pantalona d’inguernu è à piccià d’istati !  

 

J Branca

 

 

 

Partager cet article

Repost 0
Published by lingua viva - dans cap'articuli
commenter cet article

commentaires

Présentation

Recherche

Liens